ЖАЛАҒАШ АУДАНЫНДА БАСПАСӨЗ ТУРЫ ҰЙЫМДАСТЫРЫЛДЫ
Жалағаш ауданында бұқаралық ақпарат құралдарының өкілдеріне арналған пресс-тур өткізілді. Оған облыстық телеарналар мен басылым журналистері қатысып, ауданда мемлекеттік бағдарламалар аясында жүзеге асырылып жатқан жобалармен танысты.
Олар бірінші болып аудан орталығындағы «Өркен Әлем» ЖШС «Арнайы киім тігу шеберханасына» барып, шеберхана жұмысымен танысты. Шеберханада «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасының» бірінші бағыты бойынша тігінші мамандығын оқыған 20 адам тұрақты жұмыспен қамтылып, қазіргі таңда аталмыш шеберханада тігінші болып қызмет атқарады. Одан соң Жаңаталап ауылдық округіндегі ЖК «Айзере» жүн түтетін цехын аралады. Мәдениет ауылдық округіндегі «Жанайым» балабақшасын, Бұқарбай батыр ауылдық округіндегі «Сәйгүлік» шаруа қожалығында болған болған БАҚ өкілдері кәсіп иелеріне өздерін қызықтырған сұрақтарын қойды.
