Алдағы күнге сенім зор
Халықтың болашаққа деген сенімі зор. Дәл қазіргі ел басына қиын шақ туған сәтте мемлекет халықпен бірге екендігін білдірді. Кеше Мемлекет басшысы Қасым-Жомарт Тоқаевтың жасаған мәлімдемесі көптің көкейіндегі сауалдарға жауап берді. Қарапайым халықты жігерлендіре түсті.
Президент төтенше жағдай кезеңінде азаматтарымызға қолдау көрсетуге арналған шаралардың екі топтамасын жария етті. Бүгінгі таңда сол шаралар барынша жүзеге асырылуда. Осы уақытқа дейін 4 миллион 250 мың азаматқа қаржылай көмек көрсетілген. Ал 570 мыңнан астам адамға азық-түлік таратылған. Сонымен қатар, алдағы уақытта 1,6 миллионнан астам адамға коммуналдық төлем үшін көмек көрсетіледі. Осы шаралардың барлығы қарапайым халықты қолдау үшін жасалып жатқаны белгілі. Яғни, қазіргі таңда азаматтарымыздың денсаулығы маңызды. Басты міндет – халықтың денсаулығын сақтап, өмірін қорғап қалу. Сондықтан түсіністік танытып, қабылданған шараларға бағынуға тиістіміз. Біз бірге болғанда ғана бәрін жеңеміз. Мемлекет ешкімді қиындықта қалдырмайды. Бұған Президент Қасым-Жомарт Тоқаевтың сөзі дәлел.
Сайлаубай ӘБІШОВ,
қалалық ардагерлер кеңесінің төрағасы
