Арда туған азаматтар!
Сіздерді 7 мамыр – Отан қорғаушылар күні мерекесімен шын жүректен құттықтаймыз!
Ел бірлігі ер ерлігімен келеді. Бізге Отан қандай қымбат болса, азаматтың абыройы да ел алдында сондай қастерлі. Сондықтан, Сіздерді елжанды қасиет иесі деп бағалаймыз, жас ұрпақ ұлағат алар тағылымды тұлғалар деп білеміз. Тәуелсіз елдің туын биікте желбіретер жалаугер жандар берен білекті, ерен жүректі келеді. Жанашырлық рухы жалындап тұрады. Осындай ғибратты ғұмырдың ғаламаты көбейсін, жігіттердің жігері жалындай берсін!
Мейлі еңбек майданында маңдай терін төккен әр саласының саңлағы болайық, мейлі сапта тұрған сарбаз болайық, мейлі отбасының тірегіне айналған бақан болайық, қайда жүрсек те қызметтеріңізге табыс, отбасыңызға амандық, дендеріңізге саулық тілейміз! Әрқашан айбынымыз асқақ, байрағымыз биік болсын!
«Ақмешіт апталығы» газетінің ұжымы
