Құрметті ер-азаматтар қауымы!
Сіздерді келе жатқан рухты мерекелеріміз – Отан қорғаушылар күні және Ұлы Жеңістің 75 жылдығымен шын жүректен құттықтаймын!Жеңіс күні – жанқияр ерліктің, еңселі елдіктің мәртебесі өрлеп, Жеңіс жалауы желбіреген күн.
Ел басына күн туған шақта қолына қаруын алып, ел қорғауға аттанған батыр бабаларымызды тарихтан танимыз. Сондай өршіл рухты қазақ азаматтары бүгін де арамызда жүр.
Қайсарлықтың ерен үлгісі атанған бүгінгі бейбіт күннің батырлары әр түрлі салада ерінбей еңбек етіп, қоғамымыздың дамуына, өркендеуіне атсалысуда.
Осындай азаматтардың қатарына білім саласының шебінде жүрген ер-азамат оқытушылар көптеп саналады. Себебі, ұстаз тек білім нәрімен сусындатып қана қоймай, жастардың бойында еліне қызмет етер сүйіспеншілік, патриотизм, жанкештілік сияқты сезімдерді тәрбиелейді.
Осы орайда, барша жас ұландарды, жасампаз да жігерлі жігіттерді, аға буын өкілдерін төл мерекесімен құттықтай отырып, ел игілігі жолында атқарып жатқан әрбір істеріңізге табыс, отбасыларыңызға бақ-береке, зор денсаулық тілеймін!
Құрметпен,
Қорқыт Ата атындағы ҚМУ ректоры
Бейбіткүл КӘРІМОВА
