КӨГАЛДАНДЫРУҒА БЕЛСЕНЕ АТСАЛЫСҚАН АЗАМАТТАР МАРАПАТТАЛДЫ
Биылғы жылы Қармақшы ауданының орталығы – Жосалы кентінде өткізілген көктемгі-күзгі көркейту, көгалдандыру және санитарлық тазалық айлықтары барысында өздерінің үлгілі істерімен өзгелерге өнеге көрсеткен мекемелермен бірге жеке тұрғындарды ынталандыру мақсатында арнайы комиссия құрылған болатын.Кент әкімдігінде аталмыш комиссияның отырысы өткізіліп, онда кент бойынша жыл бойы атқарылған жұмыстар сараланып, аудан орталығын көркейту, көгалдандыруға белсене атсалысқан мекемелер мен жеке тұрғындарға құрмет көрсетілді. Салтанатты шарада Жосалы кенті әкімінің міндетін атқарушы Бауыржан Дүйсенбаев жүргізілген жұмыстар барысымен таныстырып, алдағы жоспарларға тоқталды.Сонымен бірге, Бауыржан Момышұлы көшесінің байырғы тұрғыны, еңбек ардагері Әбдібек Лақбаевқа «Үлгілі аула» аталымын, Шоқан Уәлиханов атындағы №26 орта мектептің директоры Болат Жұмабаевқа «Үздік кіреберіс» аталымын және кент орталығындағы Ідіріс Тұрмағамбетов атындағы көшенің тазалығын жүргізуге бекітілген №6 «Айсұлу» балабақшасының меңгерушісі Роза Нысанбаеваға «Таза көше» аталымын тапсырып, арнайы дипломдармен және бағалы сыйлықтармен марапаттады.
