СТАЦИОНАРЛЫҚ ПОЛИЦИЯ БЕКЕТІ АШЫЛДЫ
Бүгін барлық аудандар арасында алғашқы болып Жаңақорған кенті орталығында стационарлық полиция бекеті ашылды. Оған Жаңақорған ауданының əкімі Ғалым Əміреевтің тікелей қолдау білдірді. Бұл Жаңақорған ауданының прокуроры Нұрболат Дүйсенбаевтың бастамасы болатын.
Бұл Қызылорда облысының прокуратурасының қылмыстық құқық бұзушылықтардың алдын алу мақсатында «Полиция – халыққа жақын» жобасы бойынша жүзеге асырылуда.
Жобаның негізгі мақсаты – халыққа шұғыл көмек көрсету үшін полиция бекетін ашық жерге орналастыру. Учаскелік инспекторлар тәулік бойы қызмет көрсететін аймағы бойынша халықпен жұмыс жасайды, олардың өтініштерін қабылдайды. Кез келген құқық бұзушылықтар бойынша учаскелік полиция инспекторлары оқиға орнына шұғыл түрде жетеді.
Кент орталығындағы бейнебақылау камераларының басқару тетіктері осы жерге шоғырланатын болады. Одан бөлек, кент аймағында жаңа типтегі 2 учаскелік полиция пунктінің құрылысы жүргізілуде. Бұл пәрменді жұмыстар құқық бұзушылықпен қарсы күресте оңды нәтижесін береді.
