Әлеуметтік бұрыш: арзан өнім осында
Кеше қала әкімінің тапсырмасымен әлеуметтік маңызы бар халық ең көп тұтынатын азық-түлік тауарлары бағасын тұрақтандыру мақсатында мониторингтік топ қаладағы бірқатар сауда орындарын аралады.
Жалпы қаладағы сауда орындары әлеуметтік маңызы бар халық ең көп тұтынатын азық-түлік тауарлары бағасын тұрақтандыру мақсатында Байқоңыр АӨК еншілес кәсіпорны «Алтын Қамба» ЖШС-мен меморандумға отырып, әлеуметтік төмен баға бұрыштары ұйымдастырылуда.
Қазіргі таңда «Мирас» сауда базары, «Ажар» және «Қызылорда» сауда үйлерімен келісім-шартқа отырып, халыққа тиімді нарық бағасынан 10-15 процент төмен бағадағы азық-түлік тауарлары сатылымда.
Сондай-ақ қаладағы басқа да аудандардағы ірі сауда орындарымен келіссөздер жүргізілуде.
Алдағы уақытта осы ірі сауда орындарынан бірінші қажеттіліктегі ұн, күріш, картоп, жуа, қарақұмық, қант және басқа да өнімдерді төмен бағада сатып алуға болады.
Осы атқарылған жұмыстар нәтижесінде ұн 141 теңгеден болса, қазір 125 теңгеден сатылуда, яғни 12,8 процентке арзан. Күріш 230 теңге тұрса, 210 теңгеге, өсімдік майы 400 теңгеден 380 теңгеге төмендеп, яғни 10 процент арзандады. Макарон 430 теңгеден 420 теңгеге түсті, яғни 5 процент арзан.
