Сын сағатта сағымыз сынбасын
Әлемдік пандемия індеті ел көлемінде елеулі экономикалық, әлеуметтік қиындық әкелгені белгілі. Дегенмен, қазақ елі біріге отырып, бұл індетті жеңетіні анық. Карантин шаралары қауіпті індеттің кеңінен тарауына септігін тигізері сөзсіз. Осы орайда, Президент Қасым-Жомарт Тоқаев карантин уақытын тағы да екі аптаға ұзартуды тапсырды. Мемлекет басшысы уақыт ұттырмай оңтайлы шешім қабылдады. Бұл қиын-қыстау кезеңде ұлт денсаулығы үшін жасалған шешім екені анық. Ардагер дәрігер ретінде Президент шешіміне құлақ асуға және қауіпсіздік шарасын сақтауға шақырамын.
Ел басына күн туған қазіргі сәтте қабырғамызды қайыстырмай алға жылжу керек. Ең бастысы сын сағатта сағымыз сынбасын. Әр таңымызды жақсылықпен бастау үшін денсаулықты күткен жөн. Жақын жандарға жанашыр болып, қиындықты бірге еңсерейік. Бұл індетті қазақ елі бірліктің, ынтымақтың нәтижесінде жеңіп шығады деп сенемін.
Кенжегүл ҚҰЛЫМБЕТОВА,
ардагер дәрігер
