ЗАҒИП ЖАНДАР АРАСЫНДА ТОҒЫЗҚҰМАЛАҚТАН ЖАРЫС ӨТТІ
ҚР Тәуелсіздік күніне орай «Нұр Отан» партиясы Қызылорда қалалық филиалына қарасты соқырлар қоғамындағы «Сәуле» БПҰ да көз мүгедектері арасында тоғызқұмалақтан жарыс өтті. Жарыстың мақсаты бұқаралық спортты дамыту, салауатты өмір салтын қалыптастыру, насихаттау. Жарыстың өтуіне демеушілік жасаған партия белсенділері, жеке кәсіпкерлер Шаукенбаев Асхат Қасымұлы, Кәрімбаев Жомарт және Қарғабай Ғани Болатұлы. Тоғызқұмалақтан өткен жарысқа 20 ға жуық мүмкіндігі шектеулі жандар қатысты. Жарыс жеңімпаздары бағалы сыйлықтармен марапатталды. Кәсіпкерлердің қолдауымен өткізілген спорттық сайыс мүмкіндігі шектеулі жандардың көңілінен шықты. Олар көңілдеріне қуаныш сыйлаған «Нұр Отан» партиясына және кәсіпкерлерге шексіз ризашылықтарын білдірді.
