Мас күйінде шомылған жігіттің денесі табылды
Қызылордалық құтқарушылар бүгін таңертең Сырдария өзенінің Тасбөгет кентіндегі бөлігінен 25 жастағы жігіттің денесін алып шықты.
Облыстық төтенше жағдайлар департаментінің баспасөз хатшысы Әлия Ережепова хабарлағандай, іздестіру жұмысы кеше кешкілік 9 жарымдар шамасында басталған. Қала тұрғыны жабдықталмаған жерде мас күйінде шомылған.
Оның денесін іздеп табуға жедел құтқару жасағының күші жұмылдырылды.
