Ақмешіт апталығы

– Биыл Қызылорда қаласы­нының 202 жылдығын атап өту­деміз. Облыс орталығы күн­­нен-күнге көркейіп келеді. Де­мо­­графиялық өсумен қатар қала­ның аумағы да үлкеюде. Жаңадан мөлтек аудандар бой көтеріп, Сырдария өзенінің сол жағалауы да қарқынды дамуда. Міне, бүгін «Қала күні-2020» мерекесіне орай тұрғындарға жаңа тұрғын үйдің  кілтін табыстағалы тұр­мыз. Енгізілген карантинге қарамастан аймағымызда құ­ры­лыс жұмыстары қарқынды жүруде. Жаңа үйлеріңіз жайлы, қоныстарыңыз құтты болсын! – деді облыс әкімі.

Тұрғындардың қуанышына себепкер болған тұрғын үйді салуға «Бақ-Береке 2030», «Дәнекер», «Сапақ» және «Астана Сервия ЛТД» компанияларының еңбегі зор.

Сол жағалаудағы «Нұрлы-Жер» бағдарламасы аясында салынған кредиттік тұрғын үй­лер­ден пәтер алып жатқан тұрғындардың бірі – Ұлбала Мұстафаева.

– Бүгінгі күнге тәубе. Еліміз аман, жұртымыз тыныш болсын. Сабыр етсек, Қазақстанда барлығы болады. Тек адал еңбек ету керек. Бұл күнді ұзақ күттік. Отбасымызбен осында көшіп келеміз, – деді ол.

Өзінің  жылы лебізін жеткіземін деген Азиза Шакимовадай жас маман бүгінде қалалық №1 емханада медбике болып жұмыс істейді.

– Қызылорда қаласында көп­теген үй салынып жатыр. Бәрі де жақсы, бірақ осы үйді ұнат­тық. Бүгін, міне, армандаған баспа­намызға қол жеткіздік. Бізге хабарласып: «сендер баспаналы бол­дыңдар деген кезде төбеміз көкке жеткендей болды, көзімізге жас үйірілді, – деді жаңа пәтер иесі.

Пайдалануға берген тұрғын үйдің жалпы ауданы – 12 мың 619 шаршы метр. Сырдария өзенінің сол жағалауындағы жаңа қалада соңғы екі жылда республикалық, облыстық бюджеттерден 620 пәтерлік 13 көпқабатты арен­далық тұрғын үй мен 240 пәтерлік 4 көпқабатты несиелік үйлер берілген. Биылғы жылдың соңына дейін 680 пәтерлік арендалық 14 көпқабатты үйдің құрылысын аяқтау жоспарланып отырғанын жеткізді сала басшылары.

 Жарасхан ӨТЕБАЛИЕВ

Суреттерді түсірген Н.НҰРЖАУБАЙ