Күз айында жасалатын жаттығулардың біз біле бермейтін ережелері
Суық күндерде де далада жүгіру, дене жаттығуларын жасау, велосипед айдау секілді жаттығулар денсаулықты, иммунитетті көтеретіндігі, депрессияның алдын алатындығы, сергек жүруге септігін тигізетіні сөзсіз. Алайда суық күндері жаттығулардың да өзіндік ережелері барын ұмытпау керек:● Ауа райына сәйкесінше киіну, дененің шамадан тыс тоңуына жол бермеу керек. Жұқа, бірақ қабат-қабат киіну, ылғал (тер) жұтатын, демалатын киім таңдаған жөн.
● Жаңбырлы немесе қарлы жағдайда жаттығу жасағанда келесі жаттығуға дейін аяқкиімдерді міндетті түрде кебуін қамтамасыз ету керек.
● Тізелер, қолдар, бас, мойын және кеуде тұстарын суықтан қорғау керек. Зерттеулерде дене жылуының 30%тік үлкен бөлімі бас жақтан жоғалатыны анықталған. Сондықтан бас киім киюді назардан тыс қалдырмау керек.
● Жаттығуларды ақырын-ақырын бастау керек. Өйткені денеміздің жаттығулар үшін қажетті температураға келу уақыты қыс айларында ұзақтау болады.
● Суық ауаның тыныс жолдарын қабындырмауы үшін мұрынмен демалу керек. Мұрынмен демалғанда ауа өкпеге жеткенге дейін жылынады.
● Су ішу қажеттілігі суық күндерде аз болғанымен, әйтсе де дененің сусыз қалу ықтималдығы бар. Жаттығуды бастаудан біршама уақыт бұрын бір стакан жылы су, жаттығудан кейін де дене қызуы басылған соң бір стакан жылы су ішу керек. Күн бойы 8-10 стакан су ішуді әдетке айналдыру қажет.
● Суық күндерде мүмкіндік болса, жаттығуға түскі және түстен кейінгі уақыттарда шыққан жақсы. Бұл әрі сүйектерге, әрі иммунитетке пайдалы болған Д дәруменінің қалыптасуына пайдалы.
● Қатты суық күндері әсіресе -10 градустан төменгі күндері ашық алаңдарға шықпаған жөн.
● Шаршаңқы, әлсіз және ауырып мазасызданып тұрған кездері жаттығуға шықпаған жөн. Қызу көтеріліп, инфекция жағдайларында жаттығуларды шегере тұрған дұрыс.
