Пәтер тонаған күдіктілер ұсталды
Қызылорда облысы Полиция департаменті бастығының нұсқауына сәйкес, пәтер ұрлығын жасауға қатысы бар адамдарды анықтау, оларды ұстау және қылмыстық жауапкершілікке тарту мақсатында ағымдағы жылдың қазан айының 19-21 аралығында облыс көлемінде «Пәтер» жедел-профилактикалық іс-шарасы өткізілді.19 қазан күні 38 жастағы аудан тұрғыны Шиелі АПБ-ның кезекші бөліміне пәтер ұрлығы туралы арыз түсірді. Онда белгісіз біреулердің жеке үйдің есігін кілтпен іріктеп ашып кіріп, «LG» маркалы теледидарын, компьютерін, дәнекерлеу аппаратын, автокөлік кілттерін және темір сейфтің құлпын ұрлап, оқиға орнынан қашып кеткен. Полицейлердің жедел іздестіру жұмыстарының нәтижесінде күдікті ретінде сол ауданның 27 жастағы азаматы мен 18 жастағы азаматшасы анықталып, құрықталды.
Қазіргі уақытта күдіктілерге қатысты ешқайда кетпеу туралы қолхат түріндегі бұлтартпау шарасы қолданылды.
Аталған дерекке қатысты Қазақстан Республикасы Қылмыстық кодексінің 188-бабы 3-бөлігіне (Ұрлық) сәйкес сотқа дейінгі тергеп-тексеру амалдары жүргізілуде.
Қызылорда облысы Полиция Департаментінің баспасөз қызметі
