Спорт кешеніндегі кездесу
Бүгін қала әкімінің орынбасары Асқарбек Есжанов қалалық «Ерсұлтан» спорт кешенінде болып, жас спортшылармен жүздесті. Онда вандализмның алдын алу және болдырмау жөнінде пікір білдірді.
Содан соң спорт кешенінің жұмыс барысымен танысып, жас жеткіншектердің жаттығу барысын тамашалады.
– Құрметті жас достар! Сіздер қаламыздың оның ішінде тәуелсіз Қазақстанның жарқын болашағысыздар. Білім мен спорт өмірлеріңізге үлкен жол ашады. Қаланың әсем жерлерін күтіп ұстау қажет. Осындай үйірмелерге достарыңды шақырыңдар. Барлық балаларға бос уақытын тиімді пайдалануға мүмкіндік мол. Елжандылық қасиеттерің көп болсын. Біз болашақта сендермен мақтанамыз, – деді А.Темірбекұлы.
Естеріңізге сала кетейік, спорт кешені 2018 жылдан жұмыс жасап келеді. Мұнда әлем чемпионаты мен Қазақстан чемпионатының жеңімпаздары бар.
Тұрар БЕКМЫРЗАЕВ