ПИРОТЕХНИКА ҚАУІПТІЛІГІ ЖАЙЫНДА ТҮСІНДІРМЕ ЖАСАЛДЫ
Жаңа жыл мерекесінің жақындауымен оны қызықты да есте қаларлықтай өткізу үшін қарқынды дайындық жүргізіледі. Шырша безендіріліп, жаңа жылдық шашулар дайындалады.Дегенмен де, әзірлік кезінде қауіпсіздік талаптарын орындамау, пиротехникалық өнімдерді қолдануда сақтық шараларын сақтамау өрт қаупін тудыруы және адам өмірі мен денсаулығына зиянын келтіруге әкеліп соғуы мүмкін. Осыған байланысты, мереке қарсаңында қала тұрғындарын қауіпсіздік талаптары жайлы құлақтандырып, түсіндірме жұмыстарын жүргізу мақсатында Қызылорда қаласы Төтенше жағдайлар басқармасы қызметкерлері, қалалық әкімшілік және қалалық жергілікті полиция қызметкерлерімен бірлесе отырып, қала аумағында орналасқан базарларда рейд ұйымдастырылды. Рейд барысында қызметкерлер пиротехникалық өнімдерді заңсыз сату фактілерінің алдын алу, кәсіпкерлерге өрт қауіпсіздігі және пиротехникалық өнімдерге қойылатын талаптары туралы түсіндірме жұмыстары жүргізіліп, үнпарақтар таратылды.
