ОҚУШЫЛАР АРАСЫНДА ШЫҒАРМАЛАР БАЙҚАУЫ ӨТТІ
Қызылорда облыстық ішкі саясат басқармасының Дін мәселелерін зерттеу орталығы КММ-сі « Рухани келісім – Тәуелсіздік тірегі» атты облыстық шығармалар байқауын ұйымдастырды.
Шығармалар байқауы 11 сынып оқушылары арасында өтті.
Байқаудың негізгі мақсаты – жастардың дәстүрлі дінге және дәстүрлі емес діни ағымдарға деген көзқарасын білу, «Зайырлылық және дінтану пәні негіздері» пәні мұғалімдерінің кәсібилігін анықтау, жастарды рухани шыңдау, ұлттық құндылықтарды бағалауға үндеу болды.
Байқауға барлығы 40-қа жуық шығарма келіп түсті. Негізінен шығарманың мазмұны мен ойдың жеткізілуіне, тіл тазалығына, тақырыптың ашылуына жоғары мән берілді.
Нәтижесінде бас жүлдені Жалағаш ауданы № 246 мектеп оқушысы Нарпай Арай иеленіп, ноутбук сыйға тартылды.
Байқауға қатысып, жүлделі орындарға ие болған басқа да жеңімпаздарға смартфон, планшет, электронды кітапшалар табысталды.
