ОБЛЫСТЫҚ ШЫҒАРМАЛАР БАЙҚАУЫ ӨТКІЗІЛДІ
Қызылорда облысының білім басқармасының «Дарын» облыстық қосымша білім беру орталығының ұйымдастыруымен «Дарын» облыстық қосымша білім беру орталығы базасында жалпы білім беру ұйымдарының 8-10 сынып оқушыларына арналған «Руханият және келісім мәдениеті – бірлігі жарасқан елдің кепілі» тақырыбындағы облыстық шығармалар байқауы өткізілді.Байқаудың негізгі мақсаты - оқушылар арасында бейбітшілік, руханият және келісім мәдениеті біздің бірлікті ел болуымыздың кепілі екендігін насихаттау болып табылады. Сонымен қатар, «Қазақстан – 2050» стратегиясымен танысуларына себепкер болу. Оқушылардың бойында патриоттық тәрбиенің негізін қалау, еліміздің бейбітшілік пен келісімнің мекені болып отырғанына мақтаныш сезімін оятып, өзіндік үлесін қосуға, оң көзқарастарының қалыптасуына ықпал ету.
Шығармалар байқауына 34 оқушы қатысып, 17 оқушы Қызылорда облысының білім басқармасының І, ІІ, ІІІ дәрежелі дипломдарына ие болды.
