ҰЛТТЫҚ МУЗЫКА АСПАБЫ НАСИХАТТАЛДЫ
«Домбыра – кең таралған ұлттық музыкалық аспап» тақырыбында сайыс өтті«Нұр Отан» партиясының «Ұлы Дала Қазынасы» партиялық бағыты аясында «Домбыра – кең таралған ұлттық музыкалық аспап» тақырыбында оқушылар арасында сайыс өтті.
Сайыс Ш.Ермағанбентова атындағы №246 қазақ орта мектебінің акт залында Жалағаш аудандық балалар әуез мектебінің 9-13 жас аралығындағы 10 өнерпаз қатысты.
Шараның мақсаты домбыраның үні құпия, сиқырлы, әлем болса оны бейнелеп жасау соншалықты сан алуан шеберлікпен қажырлы еңбек етудің нәтижесі екенін ұғындыру арқылы оқушылардың ұлттық сана сезімін оятып, қазақтың қара домбырасының асыл қасиетін қастерлей білуге тәрбиелеу болып табылады.
Шараны партия филиалы төрағасының бірінші орынбасары Мұстафаева Қаншагүл Шоңмұрынқызы ашты.
Шара соңында сайыстың әділқазыларының шешімімен жүлделі І орынды аудандық балалар әуез мектебінің 3 сынып оқушысы Бекет Нұрсұлтан, ІІ орынды аудандық балалар әуез мектебінің 2 сынып оқушысы Жамбылқызы Ақмоншақ, ІІІ орынды аудандық балалар әуез мектебінің 4 сынып оқушысы Ділдабекқызы Ансаған иеленіп, партия филиалының дипломдарымен марапатталды.
