М.ӘУЕЗОВ АТЫНДАҒЫ ДРАМА ТЕАТРЫНЫҢ БАСШЫЛЫҒЫНА АСXАТ МАКСИМҰЛЫ КЕЛДІ
Мұхтар Әуезов атындағы драма театрына жаңа басшы тағайындалды. Бұл туралы аталмыш театрдың facebook желісіндегі ресми парақшасында хабарланды.“Қазақстан Республикасы Мәдениет және спорт министрлігінің 2018 жылғы 12 ақпандағы бұйрығына сәйкес, Қазақстанның еңбек сіңірген қайраткері, театр режиссері Маемиров Асxат Максимұлы М.Әуезов атындағы Қазақ Мемлекеттік академиялық драма театрының директоры қызметіне тағайындалды! Асxат Максимұлын театр ұжымы атынан құттықтап, жаңа бастамаларына шығармашылық табыстар тілейміз!”, – деп жазылған жазбада.
Маемиров Асхат Максимұлы 1974 жылы Батыс Казакстан облысы, Сырым ауданы, Абай ауылы, Сарой ауылдық кеңесінде дүниеге келген. 1991 жылы А.С.Пушкин атындағы Орал педагогика институтының филология факультетіне оқуға түсіп 1995 жылы бітірді. 1995-96 жылдары Т.Жүргенов атындағы Қазақтың ұлттық өнер академиясында «драма режиссері» мамандығы бойынша білім алды. Халық әртісі М.Байсеркеновтің класында шеберлігін шындады.
Еңбек жолын 1997 жылы Батыс Казакстан облыстық Қазақ драма театрында актер болып бастады.
