ТЕАТР ӘРТІСТЕРІ АЛҒЫС ХАТ АЛДЫ
Қызылорда облыстық Н.Бекежанов атындағы қазақ музыкалық драма театр ұжымы үстіміздегі жылдың тамыз айында Халықаралық мамандандырылған ЭКСПО-2017 көрме аясында Астана қаласында болды.Онда қонақтарға және елордалықтарға Иран-Ғайыптың «Қорқыттың көрі» драмасын және М.Ф.Ахундзаденнің «Кетпейсің! Болды, кетпейсің...» спектакльдерін ұсынып қайтқан болатын. Осыған сәйкес 19 қазан күні аталмыш көрмеге атсалысқан Қазақстанның еңбек сіңірген қайраткері Үмүгүлсім Бегімова, «Мәдениет саласының Үздігі» төсбелгісінің иегерлері Бақытбек Темірбеков, Нұрлыбек Шналиев, Зәуре Көздібаева, Мәдениет қайраткері Бектеміс Ботбаев және Бауыржан Ошақбаев,Сырым Әбдразақов, Ақтолқын Төлеуова сынды театр артистері Қызылорда облысы әкімінің алғыс хаттарымен марапатталды.
