ӘЛЕМДІ ТАҢҚАЛДЫРҒАН ГАНА ЕЛІНІҢ МҰҒАЛІМІ

Таяуда ғана Гана елінде 33 жастағы информатика пәнінің мұғалімі балаларға Word бағдарламасының қалай жұмыс жасайтынын тақтаға бормен жазып көрсеткені туралы мәлімет тараған болатын.

Ақпарат құралдары мен желі пайдаланушылары арасында осы мәлімет қызу талқыланып, істің соңы Microsoft корпорациясының Ганадағы аталмыш мектепті компьютермен жабдықтауға уәде беруімен аяқталған еді. Нәтижесінде таңғаларлық оқиға болып, мұғалім Microsoft корпорациясының Сингапурда өткен конференциясына шақырту алған. Конференцияда әртүрлі елден келген қатысушылар ганалық мектепке 5 компьютер мен 2 ноутбук сыйға тартқан.