«ТІЛ ШЕБЕРІ - 2018» БАЙҚАУЫНЫҢ ЖЕҢІМПАЗДАРЫ АНЫҚТАЛДЫ
Қалалық білім бөлімінің жоспарына сәйкес №5 мектеп-лицей базасында мұғалімдердің рухани басымдылығы мен көркемөнерін дамыту, үш тілді – қазақ, орыс және ағылшын тілдерін жетік меңгерген мұғалімдерді анықтап, қолдау көрсету, үштілділікті насихаттау, мұғалімдердің тілдерді меңгеру деңгейін анықтау мақсатында ағылшын тілі пәні мұғалімдерінің қатысуымен «ТІЛ ШЕБЕРІ - 2018» қалалық байқауы өтті.Байқауда «Edustream» Халықаралық баспасының Қызылорда облысындағы әдіскері Садирбаева Дина, ағылшын тілі пәнінің мұғалімі Қасымова Жамиля және ағылшын тілі пәнінің мұғалімі, педагогика ғылымдарының магистрі – Камалатдин Айзат қазылық етті.
Пән мұғалімдері ІV кезеңнен құралған байқауда бақ сынасып, тәжірибе алмасты.
Нәтижесінде дәрежелі І орын – «Мұрагер» мектебінің мұғалімі Баймағанбетова Балдырған, ІІ орын – №15 мектеп-лицей мұғалімі Тыныштықбаева Баян, №235 орта мектеп мұғалімі Умирзакова Айнур, ІІІ орын – №1 мектеп-гимназияның мұғалімі Уршеева Айкуркем, №222 Мырзабекова Айгерім, №257 орта мектеп мұғалімі Кадирова Молдiр, №271 орта мектеп мұғалімі Палванова Динара иеленді.
Сондай-ақ, байқауға белсене қатысқан мұғалімдер «Алғыс» хаттармен марапатталды.
