МҮМКІНДІГІ ШЕКТЕУЛІ, ҚАБІЛЕТІ ШЕКСІЗ
Ә.Тәжібаев атындағы облыстық әмбебап ғылыми кітапханасында ақын Кенже Маханбетовамен «Мүмкіндігі шектеулі, қабілеті шексіз» атты кездесу кеші өтті. Шараның мақсаты – тағдыр сынағына ұшыраса да, өлеңі мен өнерін өзіне серік еткен қайсар жанды ақын қыздың шығармашылығын көпшілікке таныстыру, жастарға ақынның ерлігін, өмірге құштарлығын үлгі ету.
Кездесуге Абылай хан атындағы колледж оқытушылары мен студенттері, қала жастары, оқырмандар қатысты. Ақынның өлеңдері оқылып, сөзіне жазылған әндері шырқалды.
Көпшілік назарына «Ақ қанатты ақын қыз» атты кітап көрмесі ұсынылып, библиографиялық шолу жасалды.
Бағлан ЖАРЫЛҚАПҚЫЗЫ
