ЕЛДІ МЕКЕН КӨШЕЛЕРІ ЖӨНДЕЛЕДІ
Қала әкімдігінің мәжіліс залында қалалық мәслихаттың кезектен тыс ХХV сессиясы өтті. Сессия отырысына қала әкімінің орынбасарлары, қалалық мәслихат хатшысы Роза Боханова, депутаттар, бөлім басшылары, ауыл-кент әкімдері қатысты.
Күн тәртібінде кент және ауылдық округтердің қаржысы қаралды. Бұл бойынша қалалық экономика және бюджеттік жоспарлау бөлімінің басшысы Гүлнәр Баймаханованың баяндады.
– Кент және ауылдық округтер бюджеттерінің кірісін облыстық бюджеттен бөлінген ағымдағы нысаналы трансферттер есебінен көбейту жоспарлануда, – деді бөлім басшысы. Бұл қаражат Тасбөгет кентіндегі Әбілқасымов көшесін күрделі, Махамбетов елді мекеннің 9 көшесін орташа жөндеуге жұмсалады деп жоспарлануда.
Сонымен қатар, қалған қаражат Тасбөгет, Белкөл кенттері мен Ақсуат, Ақжарма, Қызылжарма, Қызылөзек, Қосшыңырау, Қарауылтөбе ауылдарындағы спорт алаңдарына бөлінетін болады.
Ақтолқын НҰРЛЫБАЙ.
