БАҚЫТБЕК АЛПЫСБАЙДЫҢ МЕРЕЙТОЙЫ АТАЛЫП ӨТТІ
30 қыркүйек Сыр өңірінің өнер сүйер қауымы үшін дүбірлі той болды.
Қазақстанның еңбек сіңірген артисі, «Құрмет» орденінің иегері Бақытбек Алпысбайдың 70 жылдық мерейтойына арналған шығармашылық кешіне келген қонақтардың да, көрерменнің де саны көп болды.
Қызылорда облысының әкімі Қ.Көшербаев арнайы құттықтау сөз айтып, мерейтой иесінің қазақ өнерінің дамуы мен өркендеуіне қосақан орасан зор еңбегін ерекше айтып, алғыс білдірді.
Мерейтойдың басты қонағы «Қазақстанның Еңбек Ері», КСРО және Қазақстанның халық артисі Асанәлі Әшімов Бақытбек Алпысбаевақа шапан жауып, ізгі тілегін білдіріп, сыйлығын ұсынды. Халықаралық «Алаш» әдеби және Тәуелсіз «Платиналы Тарлан» сыйлықтарының иегері, ақын, драматург Иран-Ғайып, Мәдениет және спорт министрлігінен, облыстық театрларынан өнер майталмандары арнайы келіп тілектерін айтып, ыстық сәлемдерін жеткізіп, сый-құрметтерін ұсынды.
