БАЛАБАҚША БҮЛДІРШІНДЕР РЕСПУБЛИКАЛЫҚ КЕЗЕҢГЕ ЖОЛДАМА АЛДЫ
«Мектепке дейінгі балалық шақ» республикалық орталығының ұйымдастыруымен «Туған жер – алтын бесігім» атты республикалық театрланған қойылымның облыстық кезеңі өткізілді.Аталмыш шара Елбасымыздың «Болашаққа бағдар: рухани жаңғыру» бағдарламалық мақаласы аясында балаларды театрландырылған қойылымдар арқылы туған өлкенің тарихы, табиғаты, мәдениеті мен бай-мұраларына деген сүйіспеншілігін қалыптастыру мақсатында ұйымдастырылған. Оған мектепке дейінгі білім беру ұйымдарының 3-6 жас аралығындағы бүлдіршіндері қатысты. Балақайлар өздерінің шығармашылық, танымдық, дарындылық қабілеттерін түрлі қырларынан танытты. «Мәңгілік Ел», «Туған жерімнің – тарихымен мақтанам» тақырыбында театрландырылған қойылым көрсетті.
Байқау нәтижесінде «Ер Тарғын» балабақшасының бүлдіршіндері бас жүлдеге ие болып, республикалық кезеңге жолдама алды. Ал, «Алтын ұя» балабақшасының жас өнерпаздарына І-орын бұйырды. Айтолқын БАТЫРБАЙҚЫЗЫ.
