ТУҒАН ЖЕРГЕ ТУЫҢДЫ ТІК
Қалалық білім бөлімінің ұйымдастыруымен №144 орта мектепте «Туған жерге туыңды тік» атты қалалық семинар болып өтті. Аталған шара Елбасы Н.Назарбаевтың «Болашаққа бағдар: рухани жаңғыру» мақаласы аясында жас өрендерді туған жердің тарихы мен есімдері ел есінде сақталған біртуар перзенттерімен таныстыру мақсатында өткізілген. Семинар барысында «Туған жер тарихының білгірі» атты зияткерлік сайысы өтіп, қорытындысы бойынша №128 негізгі мектебінің 9 сынып оқушысы Гүлжан Садық жеңіске жетті.
«Үйірменің үйретері көп» деген тақырыпта таныстырылым сағаты өткізілді. Республикалық «2017 жылдың үздік педагогі» атағының иегері, №144 орта мектеп мұғалімі Сағат Қарапаев келген қонақтармен және мектеп мұғалімдерімен «Өлкетану курсы және курсты жүргізуге арналған әдістемелік көмек» атты әдістемелік сағат өткізді.
Сондай-ақ, «Туған жерге тартуым» атты көрмеде қолдан жасаған бұйымдар, оқушылардың ғылыми жобалар мен конференцияларда қорғаған жұмыстары қонақтарға таныстырылды.
Айтолқын АЙТЖАНОВА.
