"ӨНЕР АРБАТЫ" АШЫЛАДЫ
1 мамыр - бірлік мерекесі қарсаңында Ы.Жақаев –Қорқыт Ата көшесі аралығы "Өнер арбаты" пилоттық жобасының ашылу салтанаты өтеді. Шара Елбасының "Болашаққа бағдар: Рухани жаңғыру" бағдарламалық мақаласының бір жылдығына орай ұйымдастырылады. Жобаның мақсаты - өнер туындыларын жол үстінде тамашалау арқылы рухани дүниеге деген халықтың ықыласын нығайту. Сонымен қатар өнер адамдарының шебер-кластар (мастер-класс) өткізетін, тапсырыс қабылдап, жұмыс жасайтын жәрмеңкелік орынға айналдыру. Жергілікті өнер шеберлерінің танымалдығын қалыптастырып, жас суретшілерді оқыту және тәрбиелеу, кәсіби қолөнершілердің шебер-кластарын ұйымдастыру.«Өнер арбатында» кәсіби және әуесқой суретшілерінің туындылары, қолөнер шеберлерінің бұйымдары, кәдесыйлар орналастырылатын ашық аспан астында мәдени жәрмеңке-көрмелері өткізілетін болады. Нәтижесінде «Өнер арбаты» халықтың рухани демалатын қоғамдық-мәдени орынға айналады.
Облыстық "Рухани жаңғыру" орталығы.
