ТАЛАНТТАР ТОП ЖАРҒАН КҮН
Облыстық халық шығармашылығын дамыту және мәдени-продюсерлік орталығының ұйымдастыруымен А.Тоқмағамбетов атындағы қалалық мәдениет үйінде жастардың заманауи өнер және би байқауы өткізілді.Жастар арасында альтернативті хореографияны кеңінен таныту мақсатында өткізілген заманауи өнер байқауына Құрлыс және бизнес колледжінің SMOPREC, «Абылайхан» колледжінің «С.n.Black», А.Тоқмағамбетов атындағы қалалық мәдениет үйі жанынан құрылған «ACTION», қазақ гуманитарлық және заң колледжінің «Headshot» би топтары қатысты.
Облыстық халық шығармашылығын дамыту және мәдени-продюсерлік орталығының бөлім меңгерушісі Ғазиза Жүнісова:
- Би бар өнер түрлерін бойына топтастырады. Бидің түрі көп, олар халық биі, классикалық-балет биі, қазіргі заман билері секілді бағыттары бар. Қазіргі заман билері еркін пластика арқылы адамның ішкі дүниесін ашуды көздейді. Хип-хоп ішкі дүниенің іскерлігін, албырттылығын, танытса, брейк-данс спорттық үлгіге жатады, – дейді.
Байқау қорытындысымен хип-хоп биін жеке орындаушы Аманжол Дастан жеңімпаз болса, «Абылайхан» колледжінің «С.n.Black» тобы, Аманкелді Мустафа және «Headshot» үздік үштіктен көрінді.
Биболат Сәтжан
