МЕССИ БЕСІНШІ РЕТ «АЛТЫН БУТСЫ» ИЕГЕРІ АТАНДЫ
ҚазАқпарат - «Барселона» шабуылшысы Лионель Месси Испания чемпионатында маусым аяқталғаннан кейін «Алтын бутсы-2018» иегері атанды. Футболшы бұл маусымда лиганың 36 ойынында 34 рет гол салып, 68 ұпайға ие болды, деп хабарлайды «SPORTINFORM» САА.Оның басты қарсыласы, «Ливерпуль» ойыншысы Мұхамед Салах Англия чемпионатын 32 голмен аяқтады (62 ұпай). Еске салайық, бұл Мессидің мансабындағы бесінші «Алтын бутсы». Ол бұл марапаттты екі рет қатарынан жеңіп алды. Бұдан бұрын ол аталмыш наградаға 2010, 2012, 2013 және 2017 жылдары ие болған еді. Осылайша, 30 жастағы аргентиналық «Алтын бутсыды» бес рет жеңіп алған алғашқы футболшы атанды. 2017/18 маусымындағы «Алтын бутсы» рейтингінің үздік ондығы мынадай:
1. Лионель Месси («Барселона») - 34 гол (68 ұпай);
2. Мохамед Салах («Ливерпуль») - 32 (64);
3. Гарри Кейн («Тоттенхэм Хотспур») - 30 (60);
4. Роберт Левандовски («Бавария») - 29 (58);
5. Чиро Иммобиле («Лацио») - 29 (58);
6. Мауро Икарди («Интер») - 29 (58);
7. Эдинсон Кавани («ПСЖ») - 28 (56);
8. Криштиану Роналду («Реал») - 26 (52);
9. Жонас («Бенфика») - 34 (51);
10. Луис Суарес («Барселона») - 25 (50).
