МҰНАЙ ҰРЛЫҒЫНА ҚАТЫСТЫ АТЫШУЛЫ ІСТЕ АҚЫРҒЫ НҮКТЕ ҚОЙЫЛАДЫ
Қызылордада мұнай ұрлаушыларға қатысты шуға ұласқан істің соңғы нүктесі қойылады, - деп хабарлады 24 кз тілшісі. Айыпталушылар қатарында мұнайшылар, кәсіпкерлер мен оларды қолдап-қорғаған шенді-шекпенділер де бар. Сонымен 20 адамнан асатын ұйымдасқан қылмыстық топ мүшелері қандай жазаға тартылады? Қара алтынды астыртын заңсыз жолмен саудалағандарға қатысты істің соңғы нүктесін баяндайтын боламыз.
Естеріңізге сала кетсек, 2017 жылдың мамыр айында Қазақстанның ұлттық қауіпсіздік комитеті ішкі істер министрлігімен бірлесіп еліміздің бірқатар облысында арнайы операция жүргізіп, мұнай ұрлаумен айналысқан қылмыстық топтарды қолға түсірген болатын.
