САЛАУАТТЫ ӨМІР САЛТЫ
"Арай-Санрайс" жазғы тынығу лагерінде тынығушы балалар мен тәлімгерлер арасында "Салауатты өмір салты – бақытты өмір кепілі" атты кең ауқымды шара өтті.Лагер тәлімгері Ердібек Мадияр акция барысындағы күн тәртібіне шолу жасап, келген қонақтарды таныстырды. Облыстық салауатты өмір салтын қалыптастыру орталығының «Зиянды әдеттердің алдын алу» бағдарламасының үйлестірушісі Зәуреш Махамбетова, «Жұқпалы аурулардың алдын алу» бағдарламасының үйлестірушісі Ботагөз Қарымсақова, «Жүрек-қан тамыр ауруларының алдын алу» бағдарламасының үйлестірушісі Жазира Қамбарова жас ұрпаққа салауатты өмір салтын сақтаудың қажеттілігін, жат әдеттерден аулақ болуға шақырды. Олардың зиянды зардабын түсіндіріп, жаз мезгілінде жұқпалы ішек ауруларының алдын алуда жеке бас тазалығын сақтаудың маңыздылығын, алдын алу жолдарын түсіндірді.
Іс-шара барысында балаларды сергітіп, дене қозғалысын арттыру үшін «Бұзылған телефон», «Өз өзін бағалау», «Би терапиясы», «Атом молекула», «Жеміс-жидекті тап» тақырыптарында тренинг жаттығулар ұйымдастырылды. Денсаулықты сақтау жолын қаншалықты ақпараттанғанын білу мақсатында «Денсаулық» тақырыбында ассоциация құрып, ой өрбітіп, ойларын ортаға салды. Шара соңында кеш қонақтары мен балалар естелікке суретке түсіп, 105 дана ақпараттық-танымдық материалдар таратылды.
"Ақмешіт-ақпарат".
