ТҰТЫНУШЫЛАРДЫҢ ҚҰҚЫҚТАРЫН ҚОРҒАУ ТУРАЛЫ ЗАҢ ТАЛАПТАРЫ ТҮСІНДІРІЛДІ
Бүгін Қазалы ауданында Қазақстан Республикасы Ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің Қызылорда облысы бойынша департаментінің ұйымдастыруымен Қазақстан Республикасының «Тұтынушылардың құқықтарын қорғау туралы» Заңын талаптарын түсіндіру және бөлшек сауда қызметі саласындағы өзекті мәселелерге арналған дөңгелек үстел өтті.Табиғи монополияларды реттеу, бәсекелестікті және тұтынушылардың құқықтарын қорғау комитетінің Қызылорда облысы бойынша департаментінің тұтынушылардың құқықтарын қорғау бөлімінің басшысы Ерқасым Сүлейменовтің мәлімдемесі бойынша жыл басынан бері департаментке тұтынушылардан 50 арыз-шағым түскен. Түскен өтініштердің көпшілігі, яғни 40 пайызға дейіні о бөлшек сауда қызметіне тиісті.
Бөлшек сауда қызметі саласында жұмыс жасайтын нарық субъектілері аталған саланы реттейтін қолданыстағы нормативтік құқықтық актілердің талаптарына сәйкес жұмыс жасауға міндетті. Бұл шараларды Қазақстан Республикасының «Тұтынушылардың құқықтарын қорғау туралы» Заңы реттейді.
