КӨШІ-ҚОН ЗАҢНАМАСЫН БҰЗҒАН
Байқоңыр қалалық сотында Қазақстан Республикасы Әкімшілік құқық бұзушылық кодексінің 517-бабының 2-бөлігімен әкімшілік құқықты бұзған Өзбекстан Республикасының азаматы С.-ға қатысты әкімшілік іс қаралды.Полиция қызметкерлері шетел азаматының құжатын тексеру барысында құқық бұзушы 20 қазан 2011 жылы Өзбекстан Республикасының азаматы С., Қазақстан Республикасының территориясына кіріп, ел аумағында ішкі істер органдарында белгіленген күнтізбелік бес күн өткеннен кейін үш тәулікке дейінгі мерзімде ішкі істер органдарында тіркеуден өтпей, Қазақстан Республикасы аумағында болу тәртібін бұзғаны анықталған.
Сот отырысында құқық бұзушы С. өз кінәсін толық мойындап, жасаған әрекетіне өкініш білдірді.
Байқоңыр қалалық сотының қаулысымен құқық бұзушы С. Қазақстан Республикасы ӘҚБтК-нің 517-бабының 2-бөлігімен кінәлі деп танылып, 23824 теңге әкімшілік айыппұл салынды.
