ЖАҢА МЕКТЕПТЕРГЕ СҰРАНЫС АРТТЫ
Қала әкімі Нұрлыбек Нәлібаевтың қатысуымен қала әкімдігінде аппарат мәжілісі өтті. Тиісті сала басшылары, ауыл-кент әкімдері қатысқан жиында 2 мәселе қаралды.
Қалалық білім бөлімінің басшысы Ақарыс Нұрсейітов жаңа оқу жылының дайындық барысын сөз етті.
Биыл Қызылорда қаласындағы мектептерді бітірген 2141 түлектің 1670-сі ҰБТ-ға қатысып, 919-ы грант иегері атанды. Ал былтыр бұл көрсеткіш 612 түлекті құраған еді. Сонымен қатар, қалаға қарасты барлығы 54 мектепте биыл 59127 оқушы білім алады деп күтілуде. Жыл өткен сайын оқушылардың саны артып, жаңа мектепке сұраныс жоғары болып тұр. Соған сәйкес қазір Жаппасбай батыр көшесінің бойында құрылысы жүріп жатқан 600 орындық жаңа білім ұясы алдағы уақытта пайдалануға беріледі деп күтілуде. Сондай-ақ, «Саяхат», «Арай-3», СПМК мөлтек аудандары мен Қызылорда-Жезқазған трассасының бойынан жаңадан білім ошақтарын салудың жоба-сметалық құжаттары дайындалып жатыр. Ал оқулықтарға биыл 582 млн 325 мың теңге бөлініпті.
Үстіміздегі жылы 1 тамыздан бастап облыста «Мектепке жол» республикалық акциясы басталып кетті. Қайырымдылық акциясы аясында жеке кәсіпкерлер, ірі компаниялар, банктер мен жекелеген азаматтар игі іс-шараға демеушілік жасап отыр.
Нәтижесінде барлық мектептер бойынша 7000-нан аса балаға 120 млн. теңге көлемінде қамқорлық көрсетіледі деп күтілуде, оның ішінде жалпыға міндетті оқу қоры есебінен 5025 балаға 106 млн. теңге қаржыға қыстық киімдер мен аяқ киімдер алып беріледі, – деді А.Дүйсенбайұлы.
Жиындағы қаралған екінші мәселе бойынша қалалық ветеринария бөлімінің басшысы Шыңғыс Жұмаділлаев баяндама жасады. Қаңғыбас иттер мен мысықтарды аулауды және жоюды ұйымдастыру бойынша Қызылорда қаласында аса қауіпті құтырма табиғи ошақтық ауруының алдын алу шараларының 2014-2018 жылдарға арналған кешенді жоспары жасалған. Осыған сәйкес, жоспарлы түрде ветеринариялық іс-шаралар атқарылуда. Қалалық ветеринария бөліміне қарасты «Қалалық ветеринариялық станциясы» шаруашылық жүргізу құқығындағы мемлекеттік коммуналдық кәсіпорны жанынан жасақталған 2 бригада қаңғыбас иттер мен мысықтарды аулап жоятын жұмыс жасайды. Қаңғыбас ит, мысықтарды аулау және жою бағытында жұмыс жасайды.
Үстіміздегі жылы иесіз иттер мен мысықтарды жоюға бюджеттен 25 млн. теңге бөлінген. Қала әкімі жауапты мекеме басшыларына тамыздың 20-сына дейін бұл бағытта нақты жұмыстар жүргізуді міндеттеді.
Сонымен қатар қалада КБИ мөлтек ауданындағы мал базары қала сыртына көшірілуі керек. Бұл мәселенің айтылып келе жатқанына екі жыл болды. Алайда, күні бүгінге дейін нәтиже жоқ. Базарға барсаң, жүру мүмкін емес. Айналасындағы халықтан оны басқа жаққа көшіру туралы өтініш жиі түседі. Бұрын ол жер айдала болса, қазір онда үйлер толықты. Сондықтан мал базарының қала сыртына көшірілуі күн тәртібіндегі мәселеге айналды, – деді қала әкімі.
Мәжіліс барысында қаралған мәселелерге байланысты ұсыныс-пікірлер айтылды. Күн тәртібінде таразыланған мәселелер алдағы уақытта да басты назарда ұсталады.
Қалалық білім бөлімінің басшысы Ақарыс Нұрсейітов жаңа оқу жылының дайындық барысын сөз етті.
Биыл Қызылорда қаласындағы мектептерді бітірген 2141 түлектің 1670-сі ҰБТ-ға қатысып, 919-ы грант иегері атанды. Ал былтыр бұл көрсеткіш 612 түлекті құраған еді. Сонымен қатар, қалаға қарасты барлығы 54 мектепте биыл 59127 оқушы білім алады деп күтілуде. Жыл өткен сайын оқушылардың саны артып, жаңа мектепке сұраныс жоғары болып тұр. Соған сәйкес қазір Жаппасбай батыр көшесінің бойында құрылысы жүріп жатқан 600 орындық жаңа білім ұясы алдағы уақытта пайдалануға беріледі деп күтілуде. Сондай-ақ, «Саяхат», «Арай-3», СПМК мөлтек аудандары мен Қызылорда-Жезқазған трассасының бойынан жаңадан білім ошақтарын салудың жоба-сметалық құжаттары дайындалып жатыр. Ал оқулықтарға биыл 582 млн 325 мың теңге бөлініпті.
Үстіміздегі жылы 1 тамыздан бастап облыста «Мектепке жол» республикалық акциясы басталып кетті. Қайырымдылық акциясы аясында жеке кәсіпкерлер, ірі компаниялар, банктер мен жекелеген азаматтар игі іс-шараға демеушілік жасап отыр.
Нәтижесінде барлық мектептер бойынша 7000-нан аса балаға 120 млн. теңге көлемінде қамқорлық көрсетіледі деп күтілуде, оның ішінде жалпыға міндетті оқу қоры есебінен 5025 балаға 106 млн. теңге қаржыға қыстық киімдер мен аяқ киімдер алып беріледі, – деді А.Дүйсенбайұлы.
Жиындағы қаралған екінші мәселе бойынша қалалық ветеринария бөлімінің басшысы Шыңғыс Жұмаділлаев баяндама жасады. Қаңғыбас иттер мен мысықтарды аулауды және жоюды ұйымдастыру бойынша Қызылорда қаласында аса қауіпті құтырма табиғи ошақтық ауруының алдын алу шараларының 2014-2018 жылдарға арналған кешенді жоспары жасалған. Осыған сәйкес, жоспарлы түрде ветеринариялық іс-шаралар атқарылуда. Қалалық ветеринария бөліміне қарасты «Қалалық ветеринариялық станциясы» шаруашылық жүргізу құқығындағы мемлекеттік коммуналдық кәсіпорны жанынан жасақталған 2 бригада қаңғыбас иттер мен мысықтарды аулап жоятын жұмыс жасайды. Қаңғыбас ит, мысықтарды аулау және жою бағытында жұмыс жасайды.
Үстіміздегі жылы иесіз иттер мен мысықтарды жоюға бюджеттен 25 млн. теңге бөлінген. Қала әкімі жауапты мекеме басшыларына тамыздың 20-сына дейін бұл бағытта нақты жұмыстар жүргізуді міндеттеді.
Сонымен қатар қалада КБИ мөлтек ауданындағы мал базары қала сыртына көшірілуі керек. Бұл мәселенің айтылып келе жатқанына екі жыл болды. Алайда, күні бүгінге дейін нәтиже жоқ. Базарға барсаң, жүру мүмкін емес. Айналасындағы халықтан оны басқа жаққа көшіру туралы өтініш жиі түседі. Бұрын ол жер айдала болса, қазір онда үйлер толықты. Сондықтан мал базарының қала сыртына көшірілуі күн тәртібіндегі мәселеге айналды, – деді қала әкімі.
Мәжіліс барысында қаралған мәселелерге байланысты ұсыныс-пікірлер айтылды. Күн тәртібінде таразыланған мәселелер алдағы уақытта да басты назарда ұсталады.
Жарасхан ҚУАНЫШБАЙҰЛЫ.
