«ҚОЖА МЕН СПОРТ» СПЕКТАКЛІ БОЛЫП ӨТТІ
Балалардың демалыс уақыттарын тиімді пайдалану мақсатында 4 қараша күні театр сахнасында Оспанхан Әубәкіровтің «Қожа мен спорт» балалар спектаклі болып өтті.Тентек Қожа түс көру арқылы өзін-өзі тәрбиелейді. Түсінде спортпен шұғылдану керектігін, жалқаулық жаман әдет екенін ұғынады. Жазғы демалысын ата-әжесінің ауылында өткізген Қожа салт-дәстүрді жетік меңгереді. Ата-әжесінің тәрбиесінің арқасында көптеген жетістіктерге жетеді. Бокспен шұғылданамын деп шешім қабылдайды. Сол арқылы балаларды еңбекке баулиды. Спектакль балаларға салт-дәстүрді дәріптеу арқылы жалқау болмауға тәрбиелейді.
Спектакльге келген балалар саны көп болды. Қойылымды тамашалауға келген кішкентай балақайлар, ата-аналар өз ризашылықтарын білдірді.
