ШЕКАРАДА СҮЙІКТІСІН ЧЕМОДАНҒА САЛЫП ӨТПЕК БОЛҒАН ЕР АДАМ ҰСТАЛДЫ
Қос ғашықтың үстінен қылмыстық іс қозғалды. Түрік шекарашылары қызды чемоданға салып өтпек болған 24 жастағы Грузия азаматын ұстады. Бұл туралы "Новости-Грузия" басылымы жазды.Жағдай "Сарпи" өткізу пунктінде болды. Шекарашылар кеден мен паспорт тексерісінен өтіп келе жатқан жас жігіттің үлкен чемоданына назар аударады.
Кейін чемоданды ашып қарағанда ішінен әйел адам шығады. Ол — 27 жастағы Өзбекстан азаматы. Агенттіктің хабарлауынша, оған Түркияға кіруге тыйым салынған.
Дәл қазір оларға қатысты қылмыстық іс қозғалды.
