ҚАЗАЛЫДА 5 ЖАҢА ҚОНЫСТАНУ АЙМАҒЫ ИГЕРІЛУДЕ
Бүгінгі күнге аудан орталығында 5000-нан астам азамат жер учаскесінің кезегінде тұр. Тұрғын үй құрылысын сұрап жазған өтініштер санын азайту мақсатында қазіргі таңда Әйтеке би кентінің бас жоспары бойынша 5 жаңа қоныстану аймағы игерілу үстінде.Әйтеке би кентінің 5-квартал аумағынан 210 гектар, Әйтеке би-Басықара автожолы бағытында көлемі 56 гектар және Әйтеке би кенті-Қазалы қаласы аралығынан 180 гектар жерге түбегейлі жоспарлау жобасы жасалды.
Ал Қазалы қаласы бойынша көлемі 180 және 81 гектар жер учаскесі бойынша жоба әзірленуде. Осы жұмыстардың негізінде үш мыңға жуық қазалылыққа жер берілетін болады.
