СЕНБІДЕ ЕЛІМІЗДІҢ БАСЫМ БӨЛІГІНДЕ КҮН АШЫҚ БОЛАДЫ
"Қазгидромет" РМК синоптиктерінің болжамына қарағанда, 29 қыркүйекте еліміздің басым бөлігінде күн ашық болады, деп хабарлайды Вaq.kzақпарат агенттігі.Елдің солтүстік-батысы мен солтүстігінде ғана жауын-шашын болады.
Республиканың бірқатар аймағында жел күшейіп, таңертең және түнде тұман түсуі мүмкін.
Солтүстік Қазақстан облысының басым бөлігінде жел күшейіп, жел жылдамдығы 15-20 м/с, екпіні 23-28 м/с жетеді. Түнде және таң ата тұман түсуі ықтимал.
Aқмола облысының кей жерінде желдің жылдамдығы секундына 15-20 метрге жетеді.
Павлодар, Маңғыстау облыстарында жел күшейіп, жылдамдығы секундына 15-20 метр болады. Түнде және таң ата тұман түседі.
Қостанай, күндіз Жамбыл облысының бірқатар аумағында жел секундына 15-20 метрге дейін күшейеді.
Түнде және таңертең Шығыс Қазақстан, Қызылорда облыстарында тұман түсіп, Шығыс Қазақстан облысында жел секунына 15-20 метр жылдамдықпен ұйтқиды.
Түркістан облысы мен Жамбыл, Қызылорда, Aтырау, Aқтөбе, Қарағанды және Aлматы облыстарының кей жерінде өрт қаупі сақталады.
