ӘЛЕМНІҢ ЕҢ ҚАУІПТІ АЙМАҒЫ
Латын Америкасында әлем халқының 8 пайызы ғана мекендейді. Соның өзінде бұл аймаққа әлемде болатын кісі өлімінің үштен бірі тиесілі болып отыр.Жақын күндері мексикалық билік өкілдері Акапулько портты қашығында төтенше шара қолданып, қылмыс әлемінен байланысы бар деген күдікке қатысы бар барлық полицейлердің қаруын алып қойған. Сондай-ақ, бірнеше офицерлер қамауға алынған. Құқық қорғау орындарын тексеру барысында қызметкерлердің қару-жарағы мен қызметтік байланыс құралын тапсыруды талап еткен. Олардың атқаратын жұмысын әзірге әскерилер атқаратын болады.
Бұл аймақтағы бірінші жағдай емес. Соңғы бірнеше жылда Акапулько қаласы орналасқан Герреро штатында мұндай жағдай ондаған қалада қайталанған.
Полиция мен қылмыс әлемінің жең ұшынан жалғасуы Мексикада ғана емес, Латын Америкасының өзге елдерінде де қалыпты құбылыс саналады. Бұл аумақта құқық қорғау қызметкерлерінің жалақысының төмендігі мен қылмыстық топтардың ықпалы жемқорлықтың өсуіне себеп болуда.
Б.С.
