ҚЫЗЫЛОРДАДА АСЫҚ АТУДАН ОБЛЫСТЫҚ АШЫҚ ТУРНИР БАСТАЛДЫ
Асық ойыны – көздің көру қабілетін күшейтеді, қолға шиірсең массаж. Қызылордада асық атудан облыстық ашық турнир басталды, деп хабарлайды «Хабар 24».Ғаламторға телмірген жастарды сергектікке баулу және атадан балаға мирас болған тарихи-мәдени құндылықтарына құрметпен қарауға шақырған шараға облыстың барлық ауданынан 20 шақты ойыншы қатысуда. Жарыс ережесі бойынша спортшылар шертіп, қадап, шиіріп атып, асықты 5 метрлік шеңберден шығару керек. Сондай-ақ қатысушылар 7 метрден дөп тигізетін «Сұрмерген» жылдам сайысында бақ сынайды. Жалпы өңірде математика, геометриямен сабақтастырылған траектория және дәлдікті есептеу қабілетін арттыратын асық ойыны үйірмелері ашылып жатыр. Балғындарға ұлттық спорттың біртабан, ханталапай және топтық шыр секілді түрлері кеңінен таныстырылып жатыр.
Райхан Наукеев, асық үйірмесінің жетекшісі:
– Жарыс жеңімпаздары республика көлемінде облыстың намысын қорғайды. Мақсат – асық ойынын көркейту, оны кеңінен тарату.
www.24.kz
