МҮМКІНДІГІ ШЕКТЕУЛІ ЖАНДАРМЕН КЕЗДЕСТІ
Қызылорда облысының ішкі саясат басқармасының тапсырысымен «Мәртебелі Қазақстан» қоғамдық қорының ұйымдастыруымен «Тұтынушылардың құқығын қорғау» әлеуметтік жобасы аясында мүмкіндігі шектеулі жандарды қоғамдық тыңдау өтті. Мемлекет Басшысы Н.Ә. Назарбаев өзінің «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауында «Мүмкіндігі шектеулі тұлғаларға арналған «кедергісіз орта» қалыптастыруға зор мән берілуге тиіс» деп атап көрсеткен болатын.Осыған орай өткізілген қоғамдық тыңдау жұмысына 20-ден аса ерекше жағдайды қажет ететін жандар қатысып, өз мәселелерімен бөлісті. Шара барысында қор президенті Қ.Байқадамов қатысушылардың тұтынушы ретінде сауда орындары мен қызмет көрсету мекемелеріндегі құқықтары мен міндеттерін түсіндіріп, жадынамалар таратты.
Тыңдау барысында көп көтерілген мәселелердің бірі – мүмкіндігі шектеулі жандардың «Инвотакси» қызметін пайдалануы туралы болды, сонымен бірге, қатысушылар қоғамның толыққанды өкілі ретінде түрлі бағыттағы шараларға қатысқысы келетінін айтып, аудандардағы, ауылдардағы жандарға да арналып қызықты шаралар ұйымдастырылуын ұсынды.
