СОЛҒАН ГҮЛДІ ҰСТАҒАН ДҰРЫС ПА?
Егер сіз тыныш ұйықтағыңыз келсе, гүлдерді жатын бөлмеңізге қоймағаныңыз жөн. Неге? Өйткені, әр гүл адамға әрқалай әсер етеді екен. Сондай-ақ, бөлмеде солып қалған гүлді ұстамауға тырысыңыз. Кейбір адамдар кептірілген гүлдерден әдемі композициялар жасауды ұнатады. Олар солған, өлген гүлдер деп есептеледі. Ондай гүлдер адам өміріне, күнделікті әрекеттеріңе қарсы энергия туғызуы мүмкін.
Тіпті сізге қатты ұнайтындары болса, жыл сайын оларды ауыстырып тұру қажет. Қазір көп жағдайда тірі гүлдердің орнына қалас гүлдер қолданылады. Оларды сатып алмауға тырысыңыз. Сіз тіршілік иесі болғаннан кейін үйіңізде де тірі гүлдердің болғаны дұрыс. Қалас гүлдерді үй ішінде аллергиясы бар адамдар болса, бөлмеңізге күн сәулесі нашар түскен жағдайда ғана пайдалану керек дейді гүл өсіруші мамандар.
Дайындаған: А.СЕЙІТЖАППАР.
