БАЙҚАУ ЖЕҢІМПАЗДАРЫ АНЫҚТАЛДЫ
Бұқаралық ақпарат құралдары өкілдері арасында өткен құқықбұзушылық, сыбайлас жемқорлық көріністерін алдын алуға бағытталған жарияланымдар байқауының жеңімпаздары анықталды.Оны "Самұрық" инновациялық идеяларды дамыту орталығы" қоғамдық қоры ұйымдастырды.
Байқау қорытындысы бойынша ІІІ орынды республикалық қоғамдық-саяси тәуелсіз "Халық" газетінің тілшісі Жансая Жүнісова иеленсе, ІІ орын биігінен облыстық "Ақмешіт жастары" газетінің тілшісі Айгүл Әлішерова көрінді. Ал, жүлделі І орынға қалалық "Ақмешіт апталығы" газетінің тілшісі, әріптесіміз Бағлан Тілеубергенова лайық деп танылды. Байқау жеңімпаздарына арнайы диплом мен естелік сыйлықтар табыс етілді. Шара барысында "Самұрық" инновациялық идеяларды дамыту орталығы" қоғамдық қорының директоры Жандос Тұсмағамбетов аталмыш бағыттағы байқау алдағы уақытта да өз жалғасын табатындығын жеткізді.
"Ақмешіт-ақпарат".
Суретті түсірген Нұрболат НҰРЖАУБАЙ.
