БАЛАЛАРДЫ ЕМДЕУ ОРТАЛЫҒЫНА СОҒЫЛЫП ӨРТЕНГЕН ҰШАҚТЫҢ ВИДЕОСЫ ЖАРИЯЛАНДЫ
Қайғылы оқиға Флорида штатының Форт-Лодердейл қаласында болған. Әуе апаты болған сәт бейнебақылау таспасына түсіп қалған.Онда жеңіл моторлы ұшақтың аутизмге шалдыққан балаларды емдеу орталығының қабырғасына соғылған сәті көрініп тұр. Апат кезінде сегіз педагог пен бес бала ғимарат ішінде болған, деп жазады жергілікті БАҚ. Соқтығысу салдарынан алты орындық Cessna ұшағының ұшқышы мен жолаушысы қаза тапты, ғимараттың ішіндегі мұғалімдердің бәрі жеңіл жарақаттанған, оқиға орнында оларға тиісті медициналық көмек көрсетілді. Ересектер мен балалар шұғыл қауіпсіз жерге көшірілді. Оқиға орнына жеткен өрт сөндірушілер әуе кемесінің жарылысынан болған өртті ауыздықтады.
