ҮСТІНЕ ТОПЫРАҚ ҚҰЛАҒАН ЖҰМЫСШЫ ҚАЗА БОЛДЫ
Қызылорда қаласында төтенше оқиға орын алды. Су құбырларын ауыстыру кезінде жұмысшы жазатайым жағдайдан қаза болды.Оқиға облыс орталығының шет аймағындағы әл-Фараби көшесі бойында болған. Сол маңда «Жаңарту» компаниясы су құбырларын ауыстыру жұмыстарын жүргізіп жатқан еді. Осы сәтте аяқ астынан опырылған топырақ 2 адамды басып қалған. Оның бірі оқиға орнында көз жұмған. Екіншісі ауруханаға жеткізілген. Ауруханаға түскен азаматтың жағдайы да алаңдатарлықтай. Оның бірнеше қабырғасы сынған көрінеді.
Қайтыс болған азаматтың артында кәмелеттік жасқа толмаған балалары бар екен. Аталмыш оқиғаға байланысты ондағы атқарылып жатқан жұмыстар уақытша тоқтатылды.
