Балалар қауіпсіздігі бақылауда
Ақпан айының 11-15 аралығында облыс аумағында «Жасөспірім-Заң-Қауіпсіздік» жедел-профилактикалық іс-шарасы өткізілді.Акцияның мақсаты – кәмелетке толмағандардың арасындағы құқық бұзушылықтардың алдын алу, сондай-ақ олардың құқықтық сауаттылығын арттыру. Қызылорда қалалық Полиция басқармасының қызметкерлері білім беру орындары мен ата-аналар комитетімен бірлесіп қала аумағындағы қолайсыз отбасыларды анықтап, осындай отбасыларда тәрбиеленіп жатқан кәмелетке толмаған балалардың тұрмыстық жағдайы тексерілді. Атап айтсақ, тұрғылықты мекен-жайлары бойынша 17-қолайсыз отбасы, 26-әр түрлі санатта профилактикалық есепте тұратын жасөспірімдер және 45-жалдамалы пәтерде тұратын студент жастар тексерілді.
Іс-шара барысында ІІО-ның қызметкерлері, педагогикалық ұжымды және бұқаралық ақпарат құралдарын тарта отырып мектептерде, колледждерде және Қылмыстық, Қылмыстық-процестік және Әкімшілік кодекстердің нормаларын түсіндіре отырып, құқықтық тақырыпта дәрістері, жол және өрт қауіпсіздігі қағидаларын сақтау бойынша оқыту сабақтары өткізілді.
Қызылорда облысы Полиция департаментінің Баспасөз қызметі
