Қар астында қалған мал
Осыдан екі күн бұрын Жанақорған ауданында уақ мал 2 тәулік бойы толассыз жауған қар астында қалып қойған. 1 метрлік қалың қарға батып 200-ден астам уақ мал қырылған деген болжам бар. Бұл жөнінде өңірлік коммуникациялар қызметінде өткен баспасөз мәслихатында облыстық жұмылдыру дайындығы басқармасы басшысының орынбасары Ғабит Жаңабаев мәлімдеді. – Жаңақорған ауданында Қаратауға өрлеген уақ мал қар астында қалды деген мәліміт келіп түскеннен кейін, тиісті көмектер көрсетілді. Аудандағы шопандар мың жарым қой-ешкіні жайлауға қарай көшірген. Алайда, ауа-райының қолайсыздығынан осындай қиындыққа тап болды. Шаруа қожалықтары қазір жоғалған түліктерін түгендеу үстінде. Екі күннің ішінде 77 қой табылып, сырғасы тіркелді. Шығынның нақты есебі қар ерігесін белгілі болмақ, – деді Ғ. Жаңабаев.
Айтолқын АЙТЖАНОВА.
