Алдағы демалыс күндері ауа райы қандай болады?
Синоптиктер алдағы демалыс күндеріне арналған ауа райы болжамын жасады. 23-25 ақпан күндері елімізде тұман тұтып, көктайғақ болады, деп жазады Stan.kz.«ҚазГидромет» РМҚ мәліметінше, Ресейдің еуропалық бөлігінде қатты қардың түсуіне себеп болған белсенді циклон Батыс Сібірге ығысады. Алайда онымен байланысты атмосфералық фронттар еліміздің батыс және солтүстік облыстарындағы ауа райына әсер етеді.
Ал республиканың оңтүстік облыстарына Каспий оңтүстігінен фронттардың ығысуының салдарынан жексенбі және дүйсенбі күндері жауын-шашын, тұман және көктайғақ болуы ықтимал.
Синоптиктер болжамынша, еліміздің басқа өңірлері атмосфералық қысымның жоғары аймағында болатындықтан, жауын-шашын болмайды.
