Қарақұйрықты заңсыз аулағандар құрықталды
Қазалы ауданының тұрғындары екі қарақұйрықты заңсыз атып алып, жануардың өлі денелерін өз үйлеріне апарып, оларды жіліктеу барысында ұсталды. Аталған азаматтармен мемлекетке келтірілген шығын 8 миллионнан астам теңгені құраған.
Броконьерлер полиция қызметкерлері мен «Охотзоопром» жұмысшыларының бірлескен жедел-іздестіру жұмыстарын жүргізу барысында құрықталды. Олардың іс-әрекеттері Қазақстан Республикасы Қылмыстық кодексінің 337-бабының 4-бөлігінің 2, 4 тармақтарымен сараланып, қылмыстық іс ҚР ҚПК-нің 300-бабының сәйкес айыптау актісімен сотқа жолданды.
Сот үкімі негізінде заңсыз аңшылықпен айналысқан тұлғалар әртүрлі бас бостандығынан шектеу жазасы тағайындалды. Ал, мемлекетке келтірілген шығынды заңмен белгіленген тәртіппен өтеуді міндеттеді.
